PORRU KROKETAK (MUNDIALAK)

OSAGAIAK

2 Porru

Tipula erdi bat

2 baratxuri ale

piper beltz pittin bat

gatza

500ml esne (nik olo esnea erabili dut)

3 goilarakada ezpelta hirina

2 goilarakada gurina

2 goilarakada eki lore

BILTZEKO

Ogi birrindua

2 arrautza irabiatuak

PROZEDURA

Porruak garbitu eta txiki txiki egin ondoren, zartagi batean gurina eta olioa ipiniko ditugu, berotzen hasten denean tipula porruak eta baratxuriak egiten jarriko ditugu (denak ongi txikituta) gatza eta piper beltza bota eta barazki guztiak biguntzean, hirina botako dugu poliki poliki ondo ondo nahastuaz, hirin guztia bota ondoren esne beroa botako dugu poliki poliki bueltak emanez eta esne guztia desegiten  denean masa lodi bat edukiko dugu. kristalezko ontzi batera itzuli eta hotzgailuan gau bat utzi.

Hurrengo egunean borobiltxoak egingo ditugu, ( ogi birrindua ondoren arrautza eta berriro ogi birrindua)

30 bat ateratzen dira.

TOMATE BEROTUA ETA SEITAN XERRA AHUNTZ IKUTUAREKIN

OSAGAIAK

Tomate gorri haundi bat

4 seitan xerra

4 gazta puska ahuntzarena

gatza

olioa

oreganoa (opzionala)

PROZEDURA

Tomatea 4 xerratan moztu eta zartagi batean olio pittin batekin egin, ondoren seitana egingo dugu sua ondo berotuaz,  xerra bakoitza ondo egin xigortu arte, segidan tomatearen gainean jarri eta azkenik gazta (seitanaren beroaz gazta bigundu egingo da)  nahi duenak oregano pixka bat bota

on egin!!! (momentuan egin eta jan beharrekoa da).

URTEBETETZEKO TARTA

OSAGAIAK

Yogur natural bat

1 1/2 baso azukre txuri

baso erdi azukre abainilatua

legami zorro bat

goilarakada txiki erdi bikarbonatoa

3 baso hirin txuri

130 gr. gurina desenginda

baso erdi eki lore

3 arrautza haundi

APAINTZEKO

Txokolatezko txirbilak

25 gr. gurina deseginda

lakasitoak

PROZEDURA

Lehenengo zuringoa eta gorringoak banatuko ditugu gero zuringoak harrotzeko, ondoren ontzi haundi batean osagai guztiak jarriko ditugu baina hirina eta legamia azkenik botako ditugu ondoren zuringoak harrotu gatz pittin batekin eta masari gehituko diogu, poliki poliki nahastuaz behetik gora.

Labera 180 gradutara 45 minutu.

Bizkotxoa hoztu ondoren isipu batekin gurinaz bustiko dugu bizkotxoaren goikaldea eta segidan txokolatezko txirbilak, lakasitoak kolorez banatu eta nahi den moduan apaindu.

PATATAK ALI -OLI ERARA

OSAGAIAK:

4 patata haundi

3/4 eki lore (edalontzi)

arrautz bat

ozpin ttanta batzuk

goilarakada txiki erdi baratxuri hautsa

gatza

PROZEDURA

Lehenengo patatak zuritu eta laukitxoetan moztu eta oliotan frijitu ondoren gatza botako diegu.

Batigailuak dakarren baso haundia hartu eta bertan olioa ipiniko dugu gatz pittin bat eta poliki arrautza botako dugu ,ozpin ttantak eta azkenik baratxuria. Batidora martxan jarri (potentzia erdian)

 lehenengo mugitu gabe batigailuak bere lana beteko du  eta zuritzen ikustean xuabe xuabe gora eta bera mugituko dugu masa zuri lodikotea lortu arte. Ondoren gure patatei erantsiko diegu, ON EGIN!!

OLOZKO GAILETA LIGHT GOXOAK

OSAGAIAK

3 goilarakada olo zahi (salvado de avena)

goilarakada bat legamia

2 goilarakada filadelphia light gazta

arrautz bat

goilarakada erdi stevia (azukre mota bat)

limoi erdi baten birrindura

PROZEDURA

Katilu haundi batean osagai guztiak elkartuko ditugu oloa eta legamia azkenik botata, ondo nahastu eta labeko bandejan paper bejetala ipini eta goilarakada txiki batez lagunduta bolatxoak jarriko ditugu, berdin dio perfektuak gelditzen ez baldin badira, labera 180C  8-10 minutu eta kitto!!!

SEITAN ARRAUTZAZTU BETEA PIPER ETA TIPULAREKIN

OSAGAIAK

300 gr. seitan xerratua

4 xerra gazta maasdam

4 piper gorri (potokoak)

ogi birrindua

arrautz bat

tipula haundi bat

gatza

PROZEDURA

Seitan xerrak hartu eta binaka jarri ondoren erdian gazta ipini eta arratzaztu egingo ditugu, bitartean tipula xerratu gatza bota  eta olioa pixka batekin zartagian biguntzen jarri (tapa jarri lehenago egiteko).

Beste zartagi batean olio pittin bat eta baratxuri ale batekin berotzen jarriko ditugu gure piperrak.

Arrauztatutako seitana frijitu ondoren piperra eta tipulaz apainduko ditugu.

BERENJENAK EZTIAREKIN

OSAGAIAK

2 Berenjena

200 gr. espelta hirin

garagardo poto bat

4 goilarakada olioa

2 arrautz zuringo

30 ml ezti argia (akazia, mila lore)

PROZEDURA

Berenjenak garbitu eta bi muturrak kenduko dizkiogu segindan xerretan moztu eta gazturetan murgilduko ditugu 25 minutu jarraian beste katilu batean hirina,garagardoa, eztia, gatza, eta olioa nahastuko ditugu.

Denbora igaro ondoren bi zuringoak arrotu eta masari gehituko diogu poliki poliki. Zartagi haundi batean olio dexente bota eta berotzen jarri bitartean berenjenei ur guztia kendu masatik pasa eta frijitu egingo ditugu, paper xurgatzailean utzi eta ondoren zerbitzatu.

3 TOMATE DESBERDINEN ENSALADA

Aurten baserrian tomate ugari izan ditugu kolore , forma eta tamaina ezberdinetakoak, etxeko haziak, iparraldetik ekarritako haziak eta lagunek emandako landare batzuk izan dira batibat, aurten tomate ugari eduki dugu... egia esan .. gehiegi!!! 

OSAGAIAK

TOMATE GORRI BAT

TOMATE HORI BAT

TOMATE BELTZ BAT (KUMATO)

GATZA

OLIOA

PROZEDURA

Tomateak garbitu eta zatitu ondoren gatza botako diogu eta 10 minutu utzi gero olioa botako diogu tomate bakoitzari goilarakada eta erdi gutxi gora bera eta beste 5 bat minutu igarotzen utzi eta kitto.

 bai tomate polittak!!

TOMATEA NOLA EGIN

OSAGAIAK:

2kg. tomate gorri (nik nere baserrikoak erabili ditut)

2 tipula gorri haundi

5 baratxuri ale

gatza

2 goilarakada haundi azukre

4 goilarakada oliba olio

PROZEDURA

Lehenengo tomateak ondo garbitu, eta lapiko haundi batean moztutako tomate guztiak jarri ondoren sutan jarriko dugu bertan tomateak egosi egingo ditugu 40/45 minutu , tomatea deseginda ikusten dugunean batikorarekin txiki txiki egingo dugu eta gero txinotik pasako dugu, tomate trituratu eginda daukagu. 

 Hurrengo pausua gozatzea da.. lapiko batean oliba olioa berotzen jarri bitartean tipulak eta baratxuriak zuritu eta txikituko ditugu, olioa berotzen denan bertara bota eta gatza botako diogu eta 5 minutu eduki pittin bat biguntzen, ondoren tomatea botako dugu eta sua jetxiko dugu noizbeinka bueltak ematen, azukrea bota eta bueltak eman 15 bat minutu igaro ondoren sutatik kendu eta batidorarekin dena ondo ondo txikitu eta listo!!!! hau bai tomate goxoa!!!

Baserriko tomate ezberdinak

tomatea tipula eta baratxuriarekin egiten

gure tomate goxoa eginik!!!

NATILLA ABAINILATUAK

OSAGAIAK

10 gorringo

1 1/2 litro esnea

150 gr. azukre abainilatua

50 gr. azukre txuria

bainila leka bat

goilarakada txiki bainila esentzia

agar agar goilarakada txiki bat

10 gaileta

PROZEDURA

Agar -agar ur pittin batean biguntzen jarriko dugu, ondoren esnea lapiko batean lekarekin batera berotzen jarriko dugu, beste aldetik azukrea, gorringoa, eta esentzia ondo ondo nahastuko ditugu,

esnea irekitzen hasten denean sutatik kendu, leka kendu eta masa gehituko diogu ondo ondo nahastuaz, berriro sutan jarriko dugu sua pittin bat jetxita eta bueltak emango dizkiogu 10 bat minutuz ondoren agar agar erantsiko diogu eta beste 5 bat minututan bueltak emanez .

Sutatik atera eta 10 minutu hoztutzen utzi eta ondoren moldeetara botako dugu eta epeltzen hasten denean gaileta bana jarriko dizkiegu.Hotz gailuan sartu eta 8 ordutara eginik edukiko dituzue.

ON EGIN!!!!

 

ARRAUTZ GABEKO BUDINA TXOKOLATE

BEROAREKIN

OSAGAIAK

Litro bat esne (nik olozkoa erabili dut)

Bainila leka bat

5 gr. agar agar

70 gr. azukrea

karameloa

Txokolatezko saltsarako:

200 gr. Txokolate beltza (nik valor erabili dut)

goilarakada txiki gurina

Naranja baten birrindura

Ron goilarakada bat

PROZEDURA

Lehenengo karameloa egingo dugu eta moldeetara botako dugu.Bestaldetik ur pittin batean agar agar jarriko dugu biguntzen.

Lapiko batean esnea, leka eta azukrea jarriko ditugu berotzen irakiten hasten denean 3 minutu eduki bueltak emanez eta jarrain (ura kendu ondoren) agar agar botako diogu eta beste 4 minutu eduki buletak emanez.

Gero moldeetara botako dugu eta hozten direnenan hotz gailura sartuko ditugu, 5 bat ordu,ondo geratzeko.

Flanak atera baino 10 minutu lehenago baño marian txokolatea desengingo dugu gurinarekin, ondoren birrindura eta rona botako dizkiogu ondo ondo nahastuaz masa berdin bat lortu arte.

Segidan flana plater batean jarri eta txokolate beroa botako diogu... ummmm

oso garrantzitsua da txokolatea beroa ateratzea segitua hozten delako.

MIJO ETA FRUITU LEHORREN KROKETAK

OSAGAIAK

Taza erdi mijo

3 goilarakada sesamo hazi

3 zm jenjibre fresko birrindua

Urrak eskukada bat

Piñoiak eskukada erdi

Datilak 3

Azenario erdi birrindua

2 goilarakada ilar kongelatu

arrauztatzeko artozko birrindura

PROZEDURA

Ura berotzen jarri jenjibrearekin batera , bitartean sesamoa eta mijoa belztuko ditugu zartagi batean eta seguidan ur berotara botako dugu.

Bestaldetik urrak piñoiak eta datilak errotobatekin txikituko ditugu. Mijoa egiten denean (20/25 minutu) ur guztia kendu eta fruitu lehorrak erantsiko dizkiogu ondo nahastuaz eta azkenik

azenarioa eta ilarrak, ondo nahastu eta ordu erdi utzi hoztutzen utzi eta jarraian bolatxoak egingo ditugu artozko birrinduratik jarrain pasatuaz segidan frijitu..... benetan goxoak geratzen dira.

 

 

ZAINZURI FRIJITUZKO TOSTA

OSAGAIAK

6 zainzuri txuri gordin

6 ogi xigortu

gatza

8 oliba olioa

PROZEDURA

Zainzuriak garbitu eta azala kentzeko tresnarekin zainzuriei kapa batzuk kenduko dizkiegu (gogorrena) hauek kendu ondoren azala kentzen jarraituko dugu (zainzurien ile txuria lortuz)

prozesu hau denekin egingo dugu. 

Ondoren zatagian oliba olioa bota eta bertan egingo ditugu poliki poliki, eginda ikusten ditugunean sua igo eta pittin bat beltztu eta paper xurgatzailean jarri eta azkenik gatza botako diegu.

Ogi xigortu berrian zainzuri frijituaz estali.....eta kitto!! oso goxoa dago... benetan!!!

Eskerrik beroenak Maite Ruiz-i berak emandako errezeta bait da.

 

KARDO PERRETXIKUAK PLANTXAN BARATXURIAREKIN

OSAGAIAK:

250 gr. kardo perretxiko

2 goilarakada ogi birrindu

3 baratxuri ale

perrexila

gatza

 goilarakada oliba olio

PROZEDURA

Kardo perretxikoak plantxan egin gatz pittin batekin, ( alde batera utziz) ondoren baratxuriak txikitu eta frijitu, baratxuriak eginda daudenean ogi birrindua bota eta ondo nahastu eta ondoren gure perretxikuei botako diegu gainera, azkenik perrexilez apaindu... on egin!! plater hau momentua egin eta jatekoa da.

PENKA ARRAUZTATUAK GAZTA SALTSAREKIN

OSAGAIAK

5 Penka txuri egosita eta moztuta

2 arrautza

katilukada erdi irina

gatza eta piper beltza

125 gr. fhiladelphia light

3 goilarakada esne 

eki lorea

sesamo haziak

PROZEDURA

Penkak 2 naka jarri eta arrautz eta hirinetan pasa eta frijitu, ondoren kazo batean gazta eta esnea jarriko ditugu, berotzen hasten denean ,bueltak emango dizkiogu gatz eta piper beltzez onduz (saltsa meheago nahi badugu esne gehiago bota) ondoren aurkeztu egingo dugu. Ez ahaztu sesamo haziez!!

SHI -TAKE TORTILA EDERRA

Gaur nere Urnietako lagunak shitake perretxikoak ekarri dizkit Urnietan OSANE izeneko eko denda iriki bait du....denetatik dauka produktu ekologikoak eta ainbat gauza eta nahi izanez gero nahi duzun produktua ekarriko dizkizu.... hemen duzue beraiekin egin dudan errezeta benetan goxoa...

SHI-TAKEEN TORTILA

OSAGAIAK:

200 gr. shitake perretxikoak

7 baratxuri ale

Goilarakada txiki perrexil txikitua

gatza, piper beltza

4 arrautza

oliba olioa

PROZEDURA

Perretxikoak eta baratxuriak zatitu, zartagian olioa berotzen jarri eta segidan baratxuriak bota, minutu erdi igaro ondoren perretxikoak bota eta nahasi eta gatz eta piperrez ondu, perretxikoak egin direnean 

irabiatutako arrautz nahastuak erantsi eta tortila egin, azkenik perrexila gainetik bota (onddo tortila ematean du, egitan!)

 

KESADA

OSAGAIAK.

Yogurth griego bat

Esnegain pote txiki bat

3 Arraultza

6 Kesito (nik barre egiten duen behiarenak )

2 hirin txuria(yogurth neurria)

1 1/2 azukre txuri (yogurth neurria)

2 Esnearenak(yogurth neurria)

Gurina molderako

PROZEDURA

Ontzi haundi batean osagai guztiak jarri hirina izan ezik ondoren batidorarekin dena txikitu eta ondo nahastu eta azkenik tamizatuz hirina erantsiko diogu, moldea guriñez igurtzi eta labean sartuko dugu 180C 30-35 minutu inguru.

 

 

TOMATEZKO TOSTA ZEBOLINO IKUTUAREKIN(4 perts)

OSAGAIAK:

2 Tomate gorri (nik raf erabili dut)

4 tostada multizealdunak

san millan edo philadelphia light pote bat

3 zebolino

tipulina erdia

oliba olioa

gatza 

PROZEDURA

Tomatea zatitu eta gatza bota pare bat minutu igaro ondoren olioa botako diogu , bitartean

tipulina eta zebolinoa moztu eta gorde ,segidan tostada guztiei gazta igurtziko dizkiogu eta bukatzeko dena osatu.Lehenengo tomate ipini ondoren tipulina eta azkenik zebolino txikitua .

 

KINOAZKO HANBURGESAK

OSAGAIAK

Taza erdi kinoa 

limoi baten azala

8 piper gorri (poteetakoa)

ogi birrindua perrexilduna

6 tostasta multizerealduna

3/4 taza esne (olo)

5 baratxuri berri

gatza, piper beltza, oliba olioa

arraultza bat

4 goilarakada gazta (nik idiazabal edo parmesanoa erabiltzen dut)birrindula lodia

PROZEDURA

Lapiko batean kinoa egosten jarriko dugu limoi azalarekin batera 14 bat minutu, bitartean

tostadak esnetan busti eta biguntzen utziko dugu, ondoren geratutako esnea kendu eta tenedorearekin txikitu gazta eta arraultza erantsiko diogu.Piper gorriei haziak kendu txiki txiki egin eta masa gehitu, kinoa egin ondoren limoi azalak eta ura kendu (edukiko balu)eta masari gehitu.Ondoren gatza eta piper beltzez

ondu eta seguidan bolatxoak egingo ditugu, masa oso hezea geratuko balitz pare bat goilarakada ogi birrindu erantsi. Eskuak pittin bat busti eta hamburguesak egiten hasiko gara ogi birrindutik pasa eta forma eman ondoren oliba oliotan frijitu. Entsalda on batekin atera dezakegu.

 

LIMOIZKO MOUSSA ESNE GAINAREKIN

OSAGAIAK

2 katilukada esne gain

3/4 katilukada azukre glass

3/4 katilukada limoi zuku

Esne gain harrotu pote bat

PROZEDURA

Kazuela batean esne gaina berotzen jarriko dugu azukrearekin batera, hirekitzen hasten denenan

sua pittin bat jeitsi eta 6 minutu utzi, ondoren zukua botako diogu eta 3 minutu utziko dugu hirekiten

gero edalontzi ezberdinetara bota eta hotzgailura sartu.

3 ordu igaro ondoren atera eta esne gain harrotua bota. ON EGIN!!

UDABERRIKO XIXA TORTILA

OSAGAIAK

250 gr. udaberriko xixak

3 goilarakada oliba olio

3 baratxuri ale

3 arraultza

goilarakada txiki perrexil txikitua

gatza, piper beltza

PROZEDURA

Xixak oihal eze batekin garbitu eta eskuekin txikitu, ondoren zatagi batean olioa ipini eta bertara baratxuriak eta xixak botako ditugu eta bertan goxo goxo egiten utziko ditugu, ondoren gatz eta piper beltzez onduko dugu, beste ontzi batean arraultzak irabiatu eta perrexila botako dugu eta hauekin tortila egingo dugu.

FETA ,BARATXURI BERRI ETA SAGARREZKO MERMELADAZ EGINIKO HOJALDREA

OSAGAIAK

Sagarrezko mermelada pote bat

250 gr. gazta feta

250 gr. baraturi berri

gatza

piper beltza

sesamo haziak

Hojaldre bat (hotzgailuetan dagoena)

2 goilarakada oliba olio

PROZEDURA

Hojaldrea zabaldu eta 6 zatitan moztu, (ahal dugun moduan) ondoren goilarakada txiki bat sagar mermelada jarriko dugu eta goilararekin zabaldu (ertzak ikutu gabe) ondoren feta 6 zatitan moztu eta gainean ipini, ondoren zatitutako baratxuriak eta azkenik sesamo haziak gero goilara txiki batekin olio pittin bat botako diogu gainetik eta labera 200 gradu 15 bat minutu, hojaldrea egin arte... one egin!!!

MADALENA MUNDIALAK

OSAGAIAK

250 gr. gurina

250 gr. gari hirin

125 gr. azukre txuria

125 gr. azukre abainilatua

bainila leka erdia

3 arrautza haundi

goilarakada txiki gatza

legami zorro erdia

PROZEDURA

Gurina azukrearekin ondo nahastu krema bat lortu arte, ondoren bainila leka erantsiko diogu eta arrautzak ere. 

Beste ontzi batean hirina, legamia, gatza eta legami zorroa nahastu eta beste masari gehituko diogu tamizatuz. Moldeetara bota masa eta 180 gradutara labea jarri 10 minutu lehenago eta 30 / 35 minututan eginda egongo dira.... ze goxuak!!!

 

TEMPE ETA GERMINATU ENTSALDA

OSAGAIAK

25 gr. Tempe

20 gr. porru germinatua

20 gr. tipula germinatua

Xigortutako Sesamo haziak (eskukada bat)

50 gr. Letxuga

50 gr. Rukula

3 goilarakada oliba olio

Goilarakada bat ozpina

gatza gustura

PROZEDURA

Letxuga eta rukula garbitu eta zatitu, ondoren germiantuak erantsi eta azkenik tempe zatitua eta sesamo haziak, ondu eta LISTO!!

 

GAZTA BOLA BARAZKIEKIN (ZIZKA MIZKA)

OSAGAIAK:

350 gr. Gazta philadelpia

Goilarakada piper gorria (egindakoa)

Goilarakada piper berde (egindakoa)

Goilarakada tipulina 

Goilarakada txiki limoi zukua

gatza

piper beltza

120 gr. intxaur txikitua

10 ogi xigortu 

PROZEDURA

Piper gorria eta piper berdea erre ondoren txiki txiki egin eta gaztari nahastuko diogu baita tipulina txikitua ere gero limoi zukua eta azkenik gatza eta piper beltzez onduko dugu.

Film transparente batean masa guztia bota eta bildu bola forma emanez eta hotzgailura sartu ordu betez.

Azkenik atera eta intxaur txikitua gainetik botako diogu intxaur kapa bat emanez.

Plater batean jarri eta ondoan ogi xigortua... ON EGIN!!

HINOJO ETA PASTINAKAZKO KREMA

OSAGAIAK

Hinojo erraboila(bulboa) bat

Pastinaka bat

4 azenario

4 patata

gatza

oliba olioa

sesamo xigortua 

PROZEDURA

Lapiko haundi batean oliba olioa bota eta bertara txikitutako hinojoa eta pastinaka botako ditugu eta bertan 5 bat minutu utziko ditugu egiten, ondoren beste barazkiak gehituko dizkiogu pare bat litro ur bota eta egosten jarriko dugu.

 

Egosi ondoren pure egin eta sesamo  bota gainetik.

OLOZKO ALBONDIGA GOXOAK TOMATEAREKIN

OSAGAIAK

9 Tostada multizealdunak (goxonak arrasate etxekoak)

3 Goilarakada  onddo desidratatuak

Taza bat olo integrala azalik gabekoa

Tipula erdi bat

3 Baratxuri ale

Porru txiki bat

3 goilarakada gazta parmesano

Arrautza 1

4 baratxuri berri (frexkoak)

gatza

piper beltza 3 buelta

ogi birrindua (beharko balitz)

Egindako tomate pote bat

PROZEDURA:

Tostadak eta onddoak ur epeletan jarri biguntzen, ondoren

oloa lapikoan egingo dugu 45 bat minutu.(nik 2 ordu beratzen eduki dut), segidan  tipula, baratxuriak eta porrua txiki txiki egin eta zartagian egin bigundu arte onddoekin batera.(gatza eta piperren onduz)

Tostadei ura kendu eta ontzi batean ipini arraultza eta gaztarekin batera, bertara egindako barazkian erantsiko dizkiogu, oloa egin ondoren ur guztia kenduko diogu

eta batidora edo errobotarekin txikitu gero masari gehitu eta nahastu  Eskuak pittin bat busti eta bolatxoak egingo ditugu eta ogi birrindutik pasa (rebozatu) eta oliotan frijitu. Sukaldeko paperean utzi, olio guztia xurga dezan eta ondoren tomatea botako diogu.

ESPINAKAK LIMOI IKUTUAREKIN..MMM

OSAGAIAK

3 Txalota

Limoi baten birrindura

150 gr. Espinaka freskoa

Baratxuri ale bat

gatza

olioa

piper beltza

PROZEDURA

Txalotak eta baratxuria txikitu eta zartagi berora bota, su baxuan, txalotak pittin bat egin ondoren limoi birrindura botako dugu gatz eta piper beltzez onduz.Azkenik espinakak botako ditugu eta bertan momentuan egingo dira.

Nahi izanez gero gazta pittin bat bota daiteke

 

PASTAZKO ENTSALADA KOLOREDUNA

OSAGAIAK

Letxuga bat

ogi xigortua dadoetan

goilarakada bat sesamo haziak

25 gr. feta gazta

100 gr. koloretako pasta

3 piper gorri (poteetakoa)

gatza

oliba olioa 

ozpiña

PROZEDURA

Letxuga eskuekin moztu, eta ontzian jarri, ondoren egositako pasta, piper gorriak, gazta , ogi xigortu berria eta azkenik sesamo haziak, nahi dugu moduan gozatu eta kitto!!

"AJO BLANCO" TOMATE ZUKU IKUTUAREKIN

Ajo blanco, Andaluziakoa da, udaran edaten duten zopa hotz bat da, gazpatxoaren antzekoa, baina niri errezeta hau gehiago gustatzen zait.

OSAGAIAK AJO BLANCO -RENTZAT

150 gr. ogi mamia

125gr. almendra naturala

baratxuri ale bat

100 ml oliba olio

25 ml sagar ozpina

ura

gatza

OSAGAIAK TOMATE ZUKURAKO

2 tomate raf gorri gorri

gatza

PROZEDURA

Ontzia ur hotzez beteko dugu eta bertan ogi mamia 5 minutuz utziko dugu.

Errobot pikatzailean almendrak eta baratxuria txiki txiki egingo dugu hauts bihurtu arte, ondoren gatza, olioa, ozpina eta azkenik ura kendu ondoren ogi mamia botako diogu eta errobotean ondo ondo nahastu,

masa lodikote bat lortuko dugu, eta honi ura botako diogu salda mehe eta lehun bat lortu arte.Ondoren txinotik pasako dugu edo iragazgailutik eta ondoren pitxarra batean jarri eta hotzgailuan sartuko dugu ordu pare bat.

Tomate zukurako, tomateari azala kendu eta bertan dituen hazi guztiak ere, errobotean sartu eta zukua lortuko dugu, gatz pittin bat bota ondoren.

Edalontzi batzuetan jarri AJO BLANCO eta ondoren goilarakada pare bat  zuku tomate bota gainetik.

ON EGIN

MOZZARELAZKO TOMATE BETEA ZEBOLINO IKUTUAREKIN ETA ENTSALADA KRUSKRUSAREKIN

(ONDO GERATU DA EH?)

OSAGAIAK

Tomate on bat

mozzarela erdi bat

3 zebollino

piper beltza

gatza

oliba olioa eta sagar ozpina

momentuan egindako ogi xigortua

letxuga edo rukula

PROZEDURA

Tomateari barruko haragia kendu poliki poliki eta bertara mozzarela sartu, ondoren gatzez eta piper beltzez ondu eta seguida oliba pittin bat gainetik bota.

Labean sartu gratinatzen 3-4 minutu bitartean 3 letxuga hosto juliana erara moztu eta gozatu. Zartagi batean atzoko ogia laukitxoetan moztu eta zartagian olio pittin batekin xigortu.

Tomate labetik ateratzen platerean jarri eta honi zebolino moztua bota eta ondoan etsalada eta kruskrusak jarri.

ZAINZURI-BERDEEN TORTILA

OSAGAIAK

7 Zainzuri

Tipula gorri erdi bat

4 baratxuri ale

gatza 

piper beltza

2 arrautza

3 goilarakada oliba olio

PROZEDURA

Zainzuriak garbitu eta puska gogorrena kenduko dizkiogu ondoren puska txikitan moztu.

Tipula eta baratxuria txikitu.

Zartagia berotzen denean oliba olioa bota eta seguidan zainzuriak, pare bat minutu igaro ondoren baratxuriak bota eta jarraian tipula gatza eta piperrez onduz.

Tipula biguntzen denean arrautza nahastuak  botako dizkiogu eta kitto!!!

SAGAR ERREA EZTI ETA INTXAURREKIN

OSAGAIAK:

Errege sagar bat

Goilarakada txiki gurina

Goilarakada bat koñaka

Goilarakada txiki eztia

Goilarakada txiki azukre beltza

Goilarakada txiki intxaurrak txikituta

PROZEDURA

Sagarra garbitu ondoren erdiko bihotza kendu eta bertan gurin pittin bat sartu, ondoren koñaka bota eta azkenik azukrea, labera sartuko dugu 180 gradutara 30/35 minututara.

Sagar atera ondoren, eztia botako diogu eta ondoren zartagi batean itxaurrak pittin bat xigortuko ditugu eta segidan gainetik bota....ON EGIN!!!

ZEREALDUN OGI INTEGRALA SESAMO HAZIEKIN

OSAGAIAK

300 gr. 5 zerealdun hirina

150 gr. zenkale hirina

50 gr. artobeltza (trigo sarraceno)

30 gr. okindegiko legami naturala

arrautza bat+ gorrigo bat

goilarakada azukre beltza

goilarakada 3/4 gatza

sesamo haziak

250 ml- 300 ml ura 

gurin pittin bat

PROZEDURA

Hirinak nahastu legamiarekin eta sesamoa xigortu zartagian eta erantsi, ondoren gatza , azukrea eta arrautza eta poliki poliki ura eransten joan oratuz bola lodikote bat lortu arte ondoren guriñez igurtzitako molde batean jarri eta zapi heze batekin tapatu eta ordu pare bat utzi. tza eta poliki poliki ura eransten joan oratuz bola lodikote bat lortu arte ondoren guriñez igurtzitako molde batean jarri eta zapi heze batekin tapatu eta ordu pare bat utzi. 

Labea 180 gradutara jarri berotzen ondoren gorringoarekin ogia margotu eta barrura, 10 minutu igaro ondoren 165 gradutara jaitsi eta 30-40 minututara eginik egongo da.

LIMOIZKO BIZKOTXO GOXOA

OSAGAIAK

2 arrautza haundi

3/4 edalontzi ekilore olioa

3 goilarakada limoi zukua

2 yogurth griego

7 goilarakada azukre glass

taza erdi 5 zerealdun hirina

taza erdi gari hirin

legami zorro erdia

Glaseaturako:

1/4 edalontzi limoi zuku

edalontzi bat azukre txuri

PROZEDURA

Bol haundi batean arraultzak,olioa, yogurtha, eta azukrea jarri eta nahastu ondoren 2 hirinak eta legamia nahastu eta tamizatuz besteari itsasi, labera 180 gradutara 35 minutu.

Atera bezain laster, desmoldatu eta glaseatua bota.

 

BORRAJA OLIO ERREAREKIN

Osagaiak

400 gr. borraja

gatza

3 txalota

5 baratxuri ale

piper beltza

PROZEDURA

Borrajari ileak kendu (nik estropajoarekin kentzen dizkiot) ondoren lapiko batean ura berotzen jarri eskukada bat gatzarekin, berotzen hasten denean bertara borraja zatitua bota  15 bat minutu ondoren atera.

Txalotak moztu baita baratxuriak ere, ondoren txalota eta baratxuriak oliba oliotan pittin bat egingo ditugu eta bertara borraja botako dugu pare bat minutu eduki eta listo!!

SEITANA  PIPER BERDE ETA TIPULAREKIN

OSAGAIAK:

150 gr. seitan

2 piper berde

tipula bat

2 baratxuri ale

oliba olioa

soja saltsa

piper beltza

gatza pittin bat

PROZEDURA

Piper berdeak garbitu eta zatitu , tipula erdia ere, baita baratxuriak ere, zartagi batean, su baxuan lehenengo tipula botako dugu ondoren baratxuria eta jarraian piperrak gatza ipini, eta zartagiari tapa jarri, goxo goxo egin arte, ondoren zartagikoa atera eta utzi alde batera.

Ondoren seitana laukitxoetan moztu eta beste tipula erdia ere, ondoren zartagi batean oliba olio pittin bat bota eta goilarakada txiki soja saltsa bertara tipula lehenik eta ondoren seitana botako dugu eta bertan tipula eta seitana egiten direnena lehen utzitako piperrak botako dizkiogu pare bat minutu jardun eta ondoren platerera atera .

PIZZA BEJETALA

OSAGAIAK

 

Pizza base bat (hotzgailuetakoa )

3 piper berde

8 piper gorri (botetakoa)

8 txanpiñoi xerratuta

tipula erdi bat

100 gr. parmesano birrindua

75 gr. behi gazta

goilarakada txiki oregano

piper beltz pittin bat

8 goilarakada tomate saltsa

 

PROZEDURA

Lehenengo piper berdeak garbitu txikitu eta zartagi batean su baxuan eta olio pittin batekin bigunduko ditugu, atera eta gorde, ondoren basea arrabolaz zabaldu eta tomate saltsas bustiko dugu ondo zabalduaz, ondoren eskukada bat gazta botako diogu tipula txikitua gero piper berde, gorriak txikituta txanpiñoiak eta azkenik gazta birrinduak erantsiko dizkiegu, oregano nahiz piper beltzez onduz.

200 gradutara labea berotu eta bertan sartu egin arte.