URREZ ETA KAKAOZ EGINDAKO ETXEKO KREMA UMMMM!!!!

OSAGAIAK

150 gr. xigortutako urrak (nik etxekoak erabili ditut)

42 gr. kakaoa 

4 goilarakada azukre beltz

10 goilarakada soja esne

bainila esentzi pittin bat

6 goilarakada eki olioa

PROZEDURA

Lehenengo urrak hauts bihurtuko ditugu eta ontzi batean jarri, segidan kakaoa eta azukrea eta ondo ondo nahastu eta azkenik esnea esentzia eta olioa , krema bigunagoa nahi baduzue esne gehiago ipini eta hotzgailuan sartu 3 orduz eta kitto!!!asko ateratzen da.

BOKATA BEGETARIANOA (LETXUGA, KIPULA GOXATUA,TORTILA ETA TOMATEA)

OSAGAIAK:

Ogia (nahi duguna)

Letxuga hosto batzuk

4 Tomate xerra (Raf)

2 Arrautza

1/4 Kipula gozoa

Gatza

Olio goilara txiki

PROZEDURA

Lehenengo kipula zartagian bigundu eta gordeko dugu, segidan ogia moztu eta letxuga ipini eta gatzez ondu ondoren tomate xerrak zartagian pittin bat pasa eta gainean jarriko dugu kipularekin  eta olioz ondu bukatzeko 2 arrautzezko tortila egin eta gainean ipini.

BOKATA BEGANOA (LETXUGA, GAZTA BEGANOA,PIPER ERREGOSIA ETA AGUAKATEAZ EGINA)

Gaur 2 bokata desberdinen egingo ditut, biak barazkiez osatuak zuen gustokoak izatea espero dut, oso errazak dira eta oso goxoak geratzen dira.

OSAGAIAK:

Pita ogi edo nahi dugun ogi mota

2 aguakate xerra

piper erregosi bat (nik najeranoa edo piper gorri gozoa erosten dut)

letxuga, rukula edo nahi dugun barazkia

gatza

gazta beganoa (niretzat divina teresa marka hoberena)

goilara txiki oliba olio

PROZEDURA

Ogia erditik moztean letxuga ipini (lehorra) eta gatzez ondu segidan aguakate, piperra pittin bat berotu eta oliba olioa gainetik eta bukatzeko gazta.. listo!!!

SAGARREZKO TATIN TARTA

OSAGAIAK

8 Sagar haundi reineta

Hotzgailuetan egoten den hojaldre bat

100 gr. gurina

Katiluka eta erdi azukre beltza

Laranja baten azal birrindua

Goilarakada arzezko siropea (belardendetan)

PROZEDURA

Sagarrei azala eta haziak kendu, ondoren zartagiaren neurri hartuta hojaldrea moztu , berriro bildu eta hotzgailura sartu.Labea berotzen jarri 220 gradutara, segidan zartagian gurina, azukrea, birrindura eta siropea jarri berotzen eta karameloa egingo dugu 7/9 minutu behar ditu, marroi kolorea hartu arte, ondoren sagarrak tamaina antzeko batean moztu eta zartagi barruan jarriko ditugu, zirrikiturik utzi gabe, eta labean 15 minutu (zartagiak laberako balio behar du) edukiko dugu. Ateratzean hojaldrea jarriko dugu eta berriz ere labera beste 15 minutu, atera hotzen utzi 20 bat minutu eta plater baten laguntzaz buelta eman.ON EGIN!!!

Benetan goxoa geratzen da !!!

NERE PATATA TORITLA GOXOA

OSAGAIAK

Patata kilo bat

Tipula gozo haundi bat

5 baratxuri ale

8 arrautza

Gatza

Perrexil fresko pittin bat

Eki lore olioa dexente

PROZEDURA

Patatak eta tipula zuritu eta txikitu , zartagian olioa berotzen denean patatak eta tipula erantsi eta su normalean egin, segidan baratxuri txikitua eta gatza , patatak biguntzean pittin bat beltzten utzi eta, ondoren iragazki baten laguntzaz olio guztia kendu.Perrexila txiki txiki egin eta arrautz irabiatura bota, gero patata gehitu eta 5 minutu jalkitzen eduki.

Zartagian oliba olio pittin bat jarri eta berotzean tortila egin.

BROKOLI ESPINAKA ETA TAHINEZKO KROKETA GOXOAK

OSAGAIAK

300gr. brokoli egosi (lurrunean)

150gr. espinaka fresko

4goilarakada hirin txuria

750 ml esne soja (promavel)

2 goilarakada sojazko margarina(promavel)

2 goilarakada eki olio

Gatza, piper beltza,

Tahin goilarakada bat

Baratxuri hauts pittin bat

PROZEDURA

Zartagi batean espinakak jarri olio pittin batekin eta pare bat minutuan bigunduko dira ondoren brokoli egosiarekin nahastu eta batidorarekin pure egin gatzez eta piperbeltzez onduz.

Beste zartagi batean olioa eta margarina desegin eta hirina bota olio guztia xurgatu arte eta segidan esnea botatzen joan poliki poliki bexamela lortu arte, segidan purea erantsi ondo ondo nahastu eta tahinez eta baratxuri hautses ondu  eta hozten utzi.Pare bat orduz hotzgailuan eduki, bildu eta frijitu.

PIPER GORRI GAZTA ETA HAZIDUN TOSTA

OSAGAIAK

4 Piper gorri (gozoak direnak)

4 Piper berde

gatza

2 ogi xerra 

2 xerra gazta begano

piper beltz pittin gat

PROZEDURA

Piperrak gargitu olioz eta gatzez igurtzi eta labera 200 gradutra beltztu arte. Ondoren ogia xigortu,

piperrak eta gatza gainean jarri eta piper beltz eta haziz ondu.

TOFU GIXATUA ETXEKO TOMATEA, OREGANO ETA HAZIZ ESTALIA

OSAGAIAK

Tomatea egiteko

2kg. tomate gorri

tipula bat

3 baratxuri ale

olioa

gatza goilarakada txiki

gatza goilarakada erdi

Beste osagaiak

200 gr. tofu

oregano pittin bat

goilarakada txiki sesamo hazi

PROZEDURA

Tomateei azala kenduko diogu eta segidan txikitu ,tipula eta baratxuriarekin batera. Zartagi batean 2 goilarakada olio jarri eta bertan tipula eta baratxuria gorrituko ditugu gero tomate gatza eta azukrea jarri eta 15 bat minutu igaro ondoren tomatea probatu eta gatz gehiago edo azukre gehiago behar badu bota.

Tomate atera eta ondo birrindu,(batidorarekin) jarraian zartagi batean seitan puskatua gorritu eta lapikoan jarriko dugu tomatearekin batea eta su baxuan eduki 5 minutu, jarraian oreganoa eta haziez ondu.

TOFU ERRE, AZENARIO, ILAR BERRI ETA HAZIZKO NAHASPILA

OSAGAIAK

150 gr. kolore ezberdinetako hostoak (rukula, letxuga, lolo...)

Eskukada bat ilar berri

azenario bat

limoi erdi zuku

gatza

2 goilarakada oliba olio (nahaspilarako)

sesamo erre haziak

75 gr. tofua

PROZEDURA

Ontzi batean nahaspila jarriko dugu ondoren azenarioa xerratuko dugu, segidan ilarrak salteatu eta erantsi , zartagian olio pittin batekin tofu xerratua beltztu eta azkenik sesamo haziez estali.

Gatza , olioa eta limoiaz ondu eta nahastu.

TOMATE LEHOR ETA OREGANOZKO PALMERATXOAK

OSAGAIAK


5 PUSKETA TOMATE LEHOR
Goilarakada txiki oregano
hojaldre lamima bat
gatza eta piper beltza
2 goilarakada oliba olio
irabiatutako arrautz bat

PROZEDURA

Tomatea ur epeletan jarriko dugu 30 minutu biguntzeko, ondoren txiki txiki egingo dugu.
Hojaldrea ixipu baten laguntzaz olioz bustiko dugu eta segidan tomate txikitua, gatza, piperbeltza, eta oreganoz estaliko dugu.
Lehenengo alde bat biribilduko dugu erdiraino eta ondoren beste erdi biribilduko dugu erdiraiño
hotzgailura 45 minutu. Ateratzean zentimetro erdiko palmeratxoak egin eta ixipuaren laguntzaz arrauztatu eta
labera 175 gradutara gorritu arte.

IZPILIKUZKO (LAVANDA) PASTAK

OSAGAIAK

240 gr. gurin

katilu erdi azukre txuri

300 gr. gari hirin

5 izpilikuzko adartxo

PROZEDURA

Ontzi batean gurina eta azukrea birrintzailearekin ondo ondo nahastu ondoren pixkanaka pixkanaka hirina botako diogu eta eskuz nahastuko dugu poliki poliki pazientziarekin, masa lodikote bat lortzen dugunean, izpilikuazkoei loretxoak kendu eta txiki txiki egin eta masa gehituko diogu.

Mahai gainean film pittin bat jarri eta bertara bota masa eta ahal dugun moduan bloke bat egingo dugu eta hotzgailuan sartu 45 minutu.

Ondoren laban zorrotz batekin zentimetro erdizko pastak egingo ditugu , labeko bandejan jarri eta labera

180 gradutara 10/12 minutu.

OHARRA

Errezeta berdina erabiliz izpilikuzkoak beharrean erromeroa edo limoi azala jarri daiteke baita laranjaren birrindura.

GAZTA TARTA MARRUBI ETA GEREZI MARMELADAZ ESTALIA

OSAGAIAK

200 ml esnegain

300 gr. gazta igurtzezkoa (san millan. philadelphia...)

gaileta pakete bat

4 goilarakada azukre txuri

125 gr. gurina

gerezi marmelada pote erdia

marrubi marmelada pote erdia

goilara txiki ur

PROZEDURA

Lehengo gailetak ondo ondo txikitu.. nik birrintzailea erabili dut (gailetak hauts bihurtu arte) ondoren gurina pittin bat berotu ...20 bat segundu eta gailetek moldean daudela gurinaz estali eta eskuekin ondo zapaldu base modukoa bat lortu arte, ondoren hoztagilura sartu.

Gazta eta azukrea  irabiagailuaren laguntzar pittn bat bigundu, segidan esnegaina ondo harrotu eta gazta erantsiko diogu eta berriro harrotzeko tresnarekin ondo nahastu. .

Hotzgailutik moldea atera eta bertara masa irauli eta hotzgailuan sartuko dugu, 5 bat ordu igaro ondoren 2 marmeladak nahastu urarekin eta iragazgailu batetik pasa (haziak kentzeko) ondoren gure tarta estali.

ON EGIN!!!

ESNERIK GABEKO ESPINAKA ETA INTXAUR KROKETA EDERRAK

OSAGAIAK

2 Goilarakada margarina (promavel)

2 Goilarakada eki lore

4 Goilarakada hirina txuria

300 gr. espinaka fresko txikituak

600 ml sojazko esnea ( promavel)

Eskukada intxaurrak txikituta

gatza

ARRAUZTATZEKO

Arrautz bat

Ogi birrindua

PROZEDURA

Zartagi haundi batean, margarina eta olioa jarri berotzen urtzen denean hirina , gatza bota eta nahastu olioa ondo xurgatu arte, segidan esne epeldua botazen hasiko gara poliki poliki masa lodikote bat lortu arte. Lapiko batean ur berotara espinaka botako ditugu 2 minutu eduki , atera eta ura ondo kendu.

Segidan besamelari erantsi eta ondo nahastu eta azkenik intxaurrak. Hozten denean hotzgarilura sartu pare bat ordu ondoren arrauztatu eta frijitu.

OHARRA

Nahi izanez gero behi esnez eta gurinez egin daiteke neurri berdinak erabiliz!!!

PIPER GORRI ERRE, SESAMO HAZI, ETA TXAMPIÑOIEN ENTSALADA EDERRA

OSAGAIAK

Hosto desberdinen entsalda (rukula , letxuga, lolo,...)

Txampiñoi haundi bat

Goilarakada txiki sesamo hazi

Piper gorri erre bat

3 goilarakada oliba olio

gatza

goilarakada limoi zuku

PROZEDURA

Piperra garbitu  lehortu molde batean jarri eta olio eta gatz pittin bat bota eta labera 200 gradutara 15/20 minutu. Egiten denean azala kendu , txikitu eta gorde.

Plater haundi batean etsalada jarri txampiñoi txikitua piper gorria zatitua eta sesamo haziak, ondoren gatza olioa eta limoi zukua.

ESNERIK GABEKO MAGDALENA MUNDIALAK

OSAGAIAK:

6 arrautza (300 gr. pixatu behar dute)

300 gr. hirin txuria edo espeltazkoa

300 ml eki lorea

300 gr. azukrea

2 goilara txiki legamia

bikarbonato pittin bat

bainaila leka bat

azukre glass goilarakada bat

PROZEDURA

Zuringoak eta gorringoak banandu eta zuringoak  harrotu ondoren gorde. Bol haundi batean gorringoak eta azukrea ondo nahastu eta bainila leka erantsi azkenik olioa eta nahastu. Hirina + bikarbonatoa+legamia nahastu eta masari gehitu poliki poliki (dena batera ez) eta bukatzeko harrotutako zuringoa erantsiko dizkiogu.

Molde ezberdinetan jarri eta labera 180 gradutara 10/13 minutu.

Ateratzean glass pittin bat jarri.

MANGOZKO PALMERATXOAK

OSAGAIAK

Hojaldre lamina bat (hotzgailuetakoa)

30 gr. gurina deseginda

4 goilarakada azukre beltz

2 goilarakada mango desidratatu

glass azukrea

arrautz baten gorringoa

PROZEDURA

Lehenengo mangoa hidratatzen jarriko dugu ur pittin batean (nahi duenak ron-ean erabili  dezakete)

10 bat minutu.

Bitartean hojaldrea zabaldu eta pintzeltxo batekin guriñez bustiko dugu eta ondoren gainetik azukrea. Mangoa uretatik atera eta labanaren laguntzat txiki txiki egingo dugu eta hojaldreari jarriko diogu.

Segidan erdiraino rollo moduan biribilduko dugu eta beste aldearekin berdin egingo dugu, eta hotzgailura 30 minutu. Hotzgailutik ateratzean labeko bandejan, labeko papera jarri eta gure palmeratxoak moztu eta bandejan ipiniko ditugu  ondoren arrautzez busti  eta labera,

180 gradutara 10/15 minutu. Atera ondoren glass pittin bat botako diogu. ON EGIN!!!

KARDAMOMO ETA YOGURTEZKO BIZKOTXOA

OSAGAIAK

250 gr. Gurina

235 gr. Azukre txuria

325 gr. hirina legamiarekin 

4 arrautza

Goilarakada txiki kardamomo hautsa

2 yogurth griego naturalak

goilarakada txiki bikarbonato

gatz pittin bat

legami zorro erdi

laranja txiki bat zukua eta birrindura

GLASEATUA

4 goilarakada azukre txuri 

goilarakada bat ur

PROZEDURA

Ontzi haundi batean hirina eta azukrea ondo nahastuko ditugu masa bat lortu arte ondoren arrautza banan banan ondoren yogurta eta kardamomoa segidan zukua eta birrindura eta azkenik hirina, legamia gatza eta bikarbonato ondo nahastu eta molde bat guriñez igurtzi eta labera 180 gradutara ordu bete guxi gora behera.

Labetik ateratzen dugunean glaseatua gainetik botako diogu eta hozten utzi.

FALAFELAK (GARBANTZU KROKETAK)

OSAGAIAK

500gr. garbatzu egosi edo potokoak

Baratxuri ale haundi bat

Zilantro goilarakada bat txiki txiki eginda

3 goilarakada espelta hirin

2 goilarakada oliba olio

goilarakada gomasio (sesamo hazien hautsa)

gatza

PROZEDURA

Ontzi batean garbatzuak, baratxuria, zilantroa, olioa , gomasioa eta gatza ipiniko ditugu ondoren batidorarekin txiki txiki egin segidan hirina erantsiko diogu masa lodi bat lortu harte. Oso lehorra geratzen bada goilarakada ur erantsi eta kitto.

Kazo batera ekilorezko olioa bota (asko) berotzen den bitartean 2 goilara txikien laguntzaz bolatxoak egingo ditugu eta ondoren kazora bota., hasieran behera eroriko dira baina egiten diren einean goruntz joango dira.

Ondoren papel xurgagailu batean jarri eta entsalada edo tomate entsaladarekin atera

GUAKAMOLEA NATXOEKIN

Gaur hego ameriketara bueltatxo bat egingo dugu eta guakamole nola egiten dudan esango dizuet errezeta asko daude baina aproba asko egin ondoren honekin geratzen naiz!!!

OSAGAIAK

Aguakate haundi bat (heldua)

Baratxuri bat

3 goilarakada oliba olio

Gatza

Goilarakada limoi zuku

Tabaskoa (opzionala)

Natxoak

PROZEDURA

Aguakatea hustu eta ontzi batera bota ondoren baratxuri txikitua, olioa ,gatza, limoi zukua eta tabasko pittin bat ondoren batidorarekin ondo txikitu ondoren ontzi batean jarri eta ondoan natxo batzuk ... erreza baietz!!!

GARBATZUAK (TXITXIROAK) BARAZKIEKIN

Gaur garbatzuak jateko gogoa neukan badakit askok txorixoarekin egiten dituzuela.. baina noizean behin aldatzeko hemen duzue beste modu bat... gustokoa izatea espero dut.

OSAGAIAK

Katilukada garbatzu (nik gauean uzten ditut urez estalita eta goilarakada txiki bikarbonatoarekin)

Gatza

Tipula bat

Porru bat

Azenario haundi bat

2 baratxuri ale

olioa 

ura

PROZEDURA

Lehenengo barazkiak garbitu eta erditik moztu , ondoren lapiko azkarrera (olla espres) olioa bota eta berotzen jarri ondoren barazki guztiak pittin bat gorritu , ondoren garbatzuak bota eta beraiekin pittin bat eduki ondoren 3 katilukada ur bota gatza eta lapikoa itxi. Nire lapikoan pitorroa ateratzen zaionean 18 minutu uzten ditut ondoren itzali eta pitorroa barrura sartzen denean lapikoa ireki, barazki guztiak atera eta goilarakada haundi garbantzu, batidorarekin txikitu eta garbantzuei bota eta kitto!!!

TOMATE, TIPULA, AGUAKATE ETA HAZIDUN ENTSALADA GOXOA

Askotan etxera itzultzen garenena... ez dugu afaria prestatzen  denbora gehiegi jardun nahi, etsalada hau segituan egiten da eta oso goxoa geratzen da

OSAGAIAK

Tomate ekologiko gorri haundi bat

tipulin erdi bat

aguakate erdi bat

goilarakada txiki kalabaza haziak

goilarakada txiki sesamo haziak

limoi tanta batzuk

3 goilarakada oliba olio

gatza

PROZEDURA

Lehenengo tomatea xerratu ondoren tipula eta gainera bota gatz pittn batekin segidan aguakatea eta azkenik haziak. Ondoren olioa eta limoi tanta batzuk ON EGIN!!!

ESNE PROTEINIK ETA ARRAUTZ GABEKO KAKAOZKO BIZKOTXO ESPEZIADUNA

Gaurko errezeta esneari intolerantzia edo arrautzik jan ez dutenentzat da. Zuen gustokoa izatea espero dut, etxean oso gustura jaten dugu.

OSAGAIAK

3 Katilukada hirin espelta edo gari hirina

Katilukada erdi kakao hautsa

legami zorro bat

goilarakada txiki erdi gatza

2 gr. kardamomo hauts (eta goilarakada txiki hinojo hauts ere nahi izanez gero)

2 Katilukada azukre ,1 beltza eta bestea txuria

katilukada erdi eki lore

500 ml ur beroa (hirekiten ez)

2 goilarakada txiki ozpina (legamia martxan jartzen du)

PROZEDURA

Ontzi haundi batean hirina, kakaoa, kardamomoa, azukrea, gatza eta legamia jarriko ditugu (denak tamizatuta),ondoren ur berora ozpina, eta olioa erantsiko ditugu eta ontzi haundira bota, ondoren dena ondo ondo nahastu.

Moldea sojadun margarinarekin igurtzi edo olioz eta masa moldera bota eta labera 175 gradutara

ordu bete. ( labea 15 minutu lehenago berotzen jarri beti).