BIZKOTXO BETEA ESNEGAI ETA PIÑAREKIN

BIZKOTXORAKO OSAGAIAK (neurriak yoguth potoakoak)

4 arrautza

yogurth natural bat

3 gari irin

2 azukre txuri

250 gr. gurina (bigunduta)

legami zorro bat

2 goilarakada txiki bikarbonato

gatz pittin bat

goilarakada txiki bainila esentzia

PROZEDURA

Arrautzak banatu gorringo eta zuringoa, zuringoak erreserbatu.Ontzi haundi batean gurina eta azukrea ondo nahastu krema zuri bat lortu arte ondoren banan banan gorringoak erantsi segidan esentzia eta azkenik irina , legamia eta bikarbonatoa. Zuringoak arrotu gatz pittin batekin eta masari gehitu poliki poliki eta labera 180 graduta 45 bat minutu.

BARRUKO KREMA

OSAGAIAK

Piña potoko 3 piña zati

bertako baso erdi zukua (piñarena)

esnegain pote bat

2 goilarakada zukre glass

PROZEDURA

Piña zati txikitan moztu eta esnegaina azukrearekin harrotu eta ontzgailuan sartu.

Bizkotxoa hozten denean erditik zatitu eta lehenengo zukuaz bustiko dugu segidan piña zatiak jarri eta azkenik esnegaina ON EGIN!!

Bizkotxoa hozgailuan eduki



PASTA FRESKOA OLOZKO ESNEGAIN ETA PERRETXIKOEKIN

OSAGAIAK

250 gr. pasta freskoa

Olozko potetxo bat (200ml)

130 gr. txapiñoi

130 gr. shi -take

Tipulina erdi bat

3 baratxuri ale

25 gr. gazta parmesano birrindu berria

goilarakada gurina

goilarakada eki lore

gatza eta piper beltza

PROZEDURA

Barazki guztiak moztu ondoren zartagian gurina eta olioa berotzen jarri, jarraian tipula eta baratxuriak botako ditugu eta segidan perritxikoak gatza eta piper beltzarekin, bigutzen hasten denean esnegaina botako dugu eta sua jetxi eta goxo goxo egiten utzi, bitartean lapiko haundi batean ura irakiten jarri gatzarekin irakitean pasta botako dugu eta 2/3 minututara atera (nik pasta argalena erabiltzen dut). Esnegaina loditzen hasten denean gazta erdia botako dugu eta ondo nahastu eta jarraian pasta erantsi, pittin bat eduki eta zerbitzatu gazta gainetik botata.

ñam ñam!!!

GAZTA TRANPAREKIN

OSAGAIAK GAZTARAKO

4 Griego yogurth naturalak

gasa haundi bat

 goilarakada txiki erdi gatza

PROZEDURA

Ontzi haundi batean iragazki( koladorea) haundi bat sartuko dugu eta bertan gasa jarri ondoren yogurra bertara bota gatzarekin eta gau osoa mahai gainean utziko dugu.

OSAGAIAK GAZTARI BOTATZEKO

25 gr. zebolino

2 adar erromerua (ostoak bakarrik )

4 albahaka osto

piper beltz pittin bat

PROZEDURA

Usain belarrak moztu ondoren gaztari erantsiko dizkiogu ondo nahastuaz ondoren piper beltza bota. Hozgailuan sartu eta pare bat orduz utzi.

PITA OGIA BARATXURIAREKIN

OSAGAIAK

3 pita ogi

4 baratxuri ale

4 goilarakada oliba olio

PROZEDURA

Pita ogia hirukitan moztuko ditugu eta labeko bandejari labeko papera jarri eta ondoren ogia ipini, segidan 4 baratxuriak txiki txiki egin eta oliba olioarekin ondo ondo nahastu segidan brotxa batekin ogiak bustiko ditugu eta labera sartu 150 gradutara 10/13 minutu krus krus geratu arte.

ON EGIN!!!!

BARAZKI ETA HAZIDUN ETSALADA SEITANAREKIN

OSAGAIAK

400 gr. brokoli

220 gr. seitana

Azenario handi bat

Goilarakada haundi sesamo hazi

Goilakada erdi kalabaza pipak

4 goilarakada oliba olio

gatza

piper beltz pittin bat

PROZEDURA

Lapiko haundi batean ura irakitzen jarriko dugu gatz pittin batekin irakitzen hastean, brokolia bota eta 4 minutura aterako dugu. Segidan paper xurgatzailean jarri ura kentzeko.

Bitartean azenarioa birrinduko dugu eta ondoren haziak zartagian xigortuko ditugu.

Platerean brokoliari gatza eta 2 goilarakada oliaba olio botako dizkiogu gainetik azenarioa eta haziak eta azken momentuan 2 goilarakada zartagian jarri eta zartagia bero bero dagonean seitana puska txikitan frijituko dugu ondoren platerari gehitu.

GURIÑEZKO TARTA

OSAGAIAK

130 gr. gurina

60 gr. azukre txuria

130 hirina

60 gr. arto hirina

gatz pittin bat

azukre glass

goilarakada txiki legamia

PROZEDURA

Ontzi haundi batean gurin bigundua, azukrea, hirinak, eta legamia jarriko ditugu ondoren dena ondo ondo nahastu masa homogeneo bat lortu arte ondoren laberako ontzi batean jarri eta tenekore batekin zulotxo batzuk egin eta 30 minutu utzi jalkitzen, ondoren labera 170 gardutara 30/35 minutu hoztutzen utzi eta azkenik azukrea bota.

BARAZKIZKO BIRIBILKIAK

OSAGAIAK

Izeberg erdi bat

100gr. arrozesko espagetiak

goilarakada erdi azukre

azenario bat

aguakate erdi bat

goilarakada sesamo haziak

125 ml olozko nata

10 gaileta arrozeskoak

txalota bat

ur beroa

SALTSARAKO

125ml  olozko nata

10 potoko piper gorri

gatza

piper beltza

perrexil pittin bat

PROZEDURA

Bol haundi batean izeberra moztu eta azukrea bota ondoren azenarioa birrindua aguakatea,sesamoa eta txalota (dena txikituta) eta azkenik olozko nata. Dena ondo nahastu , eta arrozesko gailetak ur berotatik pasa 6 bat aldiz, zapi eze batean jarri eta erdian barazki pittin bat jarriko dugu eta biribilkiak egingo ditugu, denak osatu arte, bukatzean zapi eze batekin estali ez lehortzeko.

Saltsarako piperrak errobotarekin txikitu eta nata erantsiko diogu ondoren perrexila gatza eta piper beltza botako dizkiogu.

Biribilak frijituak edo frijitu gabe jan daitezke, saltsarekin berdin gertatzen da.

LENTEJAK

OSAGAIAK

Tipula erdi bat

2 goilarakada tomate saltsa

4 baratxuri ale

katilukada lenteja (pardina edo ale txikia)

gatza

3 1/2 goilarakada oliba olioa

4 katilukada ur

PROZEDURA

Lehenengo lentejak garbitu ondoren lapiko espresean 2 goilarakada oliba olio bota eta berotzean tipula gehituko diogu txiki txiki eginda gatz pittin batekin, tipula minutu bat eduki ondoren tomate erantsiko diogu nahastuaz eta segidan lentejak (minutu bat) eduki bueltak emanez eta ondoren 4 katilukada ur botako dizkiogu ondoren lapikoa itxi. Lapikoari pitorroa ateratzean 8/10 minutu utzi eta sua itzalduko dugu. Pitorroa jeisten denean lapikoa ireki nahastu ondo eta zartagi batean goilarakada bat eta erdi olio bota eta bertan baratxuriak frijituko ditugu eta ondoren lapikora bota.

Gindila batzuk moztu eta erantsi( hori bakoitzaren gustura)